sakkizta sinfning yozma ishlarini tekshirishga ketadi — har biriga yarim soatdan hisoblaganda.
O‘qituvchilar uchun onlayn baholash
BSB va ChSB’ni tekshirish — soatlab emas, daqiqalarda
O‘quvchilar nazorat ishini kompyuterda yozadi. Yopiq savollar shu zahoti, yozma javoblar esa darslik va baholash mezoni asosida AI yordamida tekshiriladi. Oxirgi so‘z — har doim o‘qituvchida.
- Qog‘oz va chop etish kerak emas
- Natija, tahlil va hisobot bir joyda
- Informatika va rus tili darslarida ishlatilmoqda
AI baholadi · 6 / 6«Ta’rif va ikkita vazifa to‘g‘ri yozilgan»
Test kodi482915
Muammo
Har chorakda bir xil manzara
O‘qituvchilar bizga shuni aytdi — platforma aynan shu uchta muammoni yechish uchun qurildi.
har chorakda faqat nazorat ishlarini chop etishga sarflanadi.
yozma ishlarni yillab saqlash kerak, kerak bo‘lganda topish esa qiyin.
Imkoniyatlar
Nazorat ishining boshidan oxirigacha — bitta joyda
Savol kiritishdan hisobotgacha. O‘qituvchining vaqti tekshirishga emas, dars berishga qolsin.
Har testga havola va kod
O‘quvchi havolani ochadi, sinfi va ismini tanlaydi, doskadagi kodni kiritadi. Ro‘yxatdan o‘tish va parol kerak emas.
Yopiq savollar — darhol
Bitta va ko‘p javobli, to‘g‘ri/noto‘g‘ri, qisqa javobli savollar topshirilishi bilan baholanadi. Xato qilgan o‘quvchi to‘g‘ri javobni va sababini ko‘radi.
Yozma javoblar — AI bilan
Javob siz bergan namunaviy javob, baholash mezoni va darslik sahifalari asosida tekshiriladi. Har bir qaror yonida izoh va bet raqami turadi.
Oxirgi so‘z — sizda
AI faqat taklif qiladi. Istalgan ballni bir bosishda o‘zgartirasiz, har bir o‘zgarish saqlanadi.
Natijani siz ochasiz
Butun sinf tugatganda, siz ruxsat berganingizda yoki darhol — tanlov sizda. Javoblar sinfdoshlarga tarqalib ketmaydi.
Hisobot bir bosishda
Natijalar va tahlil PDF va Excel’da, har bir o‘quvchiga bir betlik tahlil. Qog‘oz arxiv kerak emas.
Savollar fayldan
BSB yoki ChSB faylini (PDF, Word, rasm) yuklang — AI uni savollarga ajratadi, siz tasdiqlaysiz. Kerak bo‘lsa, darslikdan yangi topshiriq tuzadi.
Loyiha ishi
Scratch, video, audio va hujjat topshiriqlari muddat bilan. AI fayllarni mezon bo‘yicha ko‘rib chiqadi, video shu sahifaning o‘zida ijro etiladi.
Halol ishlash
Javobga nusxa ko‘chirib qo‘yish bloklanadi, savollar tasodifiy tanlanishi mumkin, vaqt tugasa ish o‘zi topshiriladi.
Qanday ishlaydi
To‘rt qadam
-
1
Savollarni kiriting
Qo‘lda yozing yoki BSB/ChSB faylini yuklang. Fayldan o‘qilgan savollar siz tasdiqlagandan keyin bazaga qo‘shiladi.
-
2
Testni tuzing va oching
Turini, savollarni va sinflarni tanlang. «Ochish»ni bossangiz kod chiqadi — doskaga yozasiz yoki proyektorga chiqarasiz.
-
3
O‘quvchilar ishlaydi
Kompyuter, planshet yoki telefonda. Javoblar o‘zi saqlanadi, sahifa yangilansa ham yo‘qolmaydi.
-
4
Tekshiring va oching
Yopiq savollar tayyor, yozma javoblarni AI tekshiradi. Siz ko‘rib chiqasiz, kerak bo‘lsa ballni o‘zgartirasiz va natijani ochasiz.
Test turlari
Maktabdagi barcha nazorat turlari
BSB
Bo‘lim summativ baholash: yozma topshiriqlar, mezon bo‘yicha AI tekshiruvi.
ChSB
Chorak summativ baholash: (B), (Q), (M) darajali test savollari va ballari.
Oddiy test
Tezkor so‘rov yoki takrorlash: savollar bazadan, natija darhol.
Loyiha ishi
Scratch, video, audio yoki hujjat — muddat bilan topshiriladi.
Baholash tamoyillari
Insoniy baholash: bola ruhini tushirmaydigan
AI bilimni tekshiradi, bolaning yozish uslubini emas. Biz xalqaro baholash tajribasiga tayanamiz va har bir qoidani o‘qituvchilar bilan birga sozlaganmiz.
- Qisqa, lekin to‘g‘ri javob ball yo‘qotmaydi. Mazmuni to‘g‘ri bo‘lsa, ko‘p yozish shart emas.
- Qisman to‘g‘ri — qisman ball. Bir qismi to‘g‘ri javob nolga tushmaydi.
- Qayta baholashda ball faqat oshadi. Bir marta qo‘yilgan ball pasaymaydi.
- Imlo uchun ayirish — har test uchun alohida. Yozuv ishida yoqasiz, informatikada o‘chirasiz.
- Darslik — asosiy manba. AI javobni darslik sahifalari bilan solishtiradi: bola darslikdagi ta’rifni yozsa, u to‘g‘ri hisoblanadi.
Ko‘rinishi
O‘qituvchi va o‘quvchi nima ko‘radi
O‘quvchilarga nima kerak?
Internetga ulangan kompyuter, planshet yoki telefon va brauzer. Dastur o‘rnatish, ro‘yxatdan o‘tish yoki elektron pochta kerak emas: o‘quvchi havolani ochadi, sinfi va ismini tanlaydi, doskadagi kodni kiritadi.
Qaysi fanlar uchun ishlaydi?
Hozir informatika va rus tilida ishlatilmoqda. Har bir fan alohida: savollar, darsliklar va testlar bir-biriga aralashmaydi, yangi fan qo‘shish mumkin.
AI xato baholasa nima bo‘ladi?
AI faqat taklif qiladi. Har bir qarori yonida izoh va darslikdagi bet raqami turadi, o‘qituvchi istalgan ballni bir bosishda o‘zgartiradi va natijani o‘quvchiga o‘zi ochadi.
O‘quvchi javobni internetdan ko‘chirib qo‘ya oladimi?
Yo‘q. Javob maydoniga nusxa joylash bloklanadi va urinishlar soni o‘qituvchiga ko‘rsatiladi. Savollarni har o‘quvchiga tasodifiy tanlash ham mumkin.
Ma’lumotlar qayerda saqlanadi va ularni kim ko‘radi?
Serverda. Sinf ro‘yxati va natijalarni faqat o‘sha o‘qituvchi va u o‘zi rozi bo‘lib sinxronlashgan hamkasblari ko‘radi. Batafsil — Maxfiylik sahifasida.
Narxi qancha?
Narxlar hali e’lon qilinmagan. O‘z sinfingizda sinab ko‘rmoqchi bo‘lsangiz, ariza qoldiring — bog‘lanib, shartlarni aytamiz.
Keyingi nazorat ishini qog‘ozsiz o‘tkazing
Ariza qoldiring — bog‘lanib, login va parol beramiz. Birinchi testni qo‘llanma bo‘yicha o‘zingiz tuzasiz.